അതിജീവനം ...!!!

അതിജീവനം ...!!!

മണല്‍ കാറ്റിനു
ശക്തി കുറയുന്നെയില്ല
നേരം കളയാനോട്ടില്ല താനും ....!

സൂര്യന്‍
തലയ്ക്കു മുകളില്‍
കത്തി ജ്വലിക്കുന്നു ...!

ഈ മരത്തണലില്‍ ഇരിക്കാം ...!

ഇന്നലെ ചെന്നപ്പോഴും
ആ സെക്യൂരിറ്റി
ആട്ടി ഓടിക്കും പോലെ
പറഞ്ഞയച്ചതല്ലേ...!
ആ കെട്ടിടത്തിന്റെ തണലും
അയാളുടെ നിയന്ത്രണതിലായിരിക്കാം ...!

മറന്നല്ലോ ...
വെള്ളം
അതിനി എവിടുന്നു കിട്ടും ...!

അപ്പുറത്തെ ചായക്കടയില്‍
ഇനിയും പോകാന്‍ വയ്യ
അവിടെ
ഭക്ഷണം കഴിക്കുന്നവരുടെ
തിരക്കായിരിക്കും ...!

തത്കാലം
ഈ പൈപ്പ് വെള്ളം എടുക്കാം ...!

ഇവിടെ വിരിക്കാന്‍
ഒരു തുണ്ട്
കടലാസ് പോലും ഇല്ലല്ലോ
സാരമില്ല ...
ഈ പുല്ലില്‍ ഇരിക്കാം....!

എങ്ങിനെ യെങ്കിലും
ഈ രണ്ടു വറ്റ് .....!

കരി വല്ലാതെ പുളിചിരിക്കുന്നു
ഒരു പച്ച മുളകെങ്കിലും
കിട്ടിയിരുന്നെങ്കില്‍ ...!

കുഴപ്പമില്ല,
ഒരുപാട് ജീവിതങ്ങള്‍ പുലരാന്‍
ഞാനെന്റെ ജീവന്‍
പിടിച്ചു നിര്‍ത്തുക തന്നെ ....!!!