നിറങ്ങള്‍...!!!
മഞ്ഞിന്
കറുപ്പുനിറം കൊടുക്കാമെന്നാണ്
എന്നോട്
എന്റെ മകന്‍ പറഞ്ഞതു...!
അവന്‍റെ ഡ്രോയിംഗ് പുസ്തകത്തില്‍
വരകളും ചിത്രങ്ങളും
അവന്‍റെ ചിന്തകള്‍ക്കൊപ്പമേ പോകു ...!!
പൂക്കള്‍ക്ക്
നീലയും പച്ചയും നിറങ്ങളും
ആകാശത്തിനു മഞ്ഞ നിറവും
ഇലകള്‍ക്ക്‌ നീലനിറവും
മഞ്ഞിന് കറുപ്പുനിറവും ...!!!
അവന്‍
ഉറപ്പിച്ചുതന്നെ പറയുമ്പോള്‍
എനിക്കും മറ്റൊരു ചിന്ത
ഉണ്ടാകുന്നെയില്ല...!!
ആസ്വദിച്ചുതന്നെ
അവന്‍ അവന്‍റെ നിറങ്ങള്‍
വാരിക്കോരി
ചാലിച്ചുകൊന്ടെയിരുന്നു ...!!!
അവന്‍റെ യുക്തി
എത്ര ആലോചിച്ചിട്ടും
എനിക്ക് പിടികിട്ടിയില്ല
ഒരുപക്ഷെ
ഞാന്‍ തോറ്റുപിന്മാറിയത്
എന്റെ
അറിവില്ലയമാകൊണ്ടുതന്നെയുമാകാം ...!!!
പിന്നെയും
എനിക്ക് മനസ്സിലാകാതെപോകുന്നത്
എങ്ങിനെയാണ്
മഞ്ഞിന് കറുപ്പുനിറം കിട്ടിയതെന്നാണ്‌ ....!!!
Posts
