Wednesday, April 15, 2009

വോട്ട് ...!!!

വോട്ട് ...!!!

നാളെയാണ് ...!
നാളെയാണ് ...!!!

ഇക്കുറി
എനിക്കും ഉണ്ടൊരു വോട്ട് ...!

അതുപക്ഷേ
ഇപ്രാവശ്യം ഞാന്‍
വില്‍ക്കാന്‍ തീരുമാനിക്കുന്നു ...!!

ആരും നെറ്റി ചുളിക്കണ്ട
നിങ്ങളില്‍ പലരും
ഒളിച്ചു ചെയ്യുന്നത്
ഞാന്‍ വെളിച്ചത്തില്‍ ചെയ്യുന്നു
എന്നുമാത്രം ...!!!

എനിക്ക്
ജാതിയോ, മതമോ, വര്‍ഗ്ഗമോ
ഭാഷയോ, ദേശമോ, പാര്‍ട്ടികളോ
ഒന്നും പ്രശ്നമേയല്ല...!!

എനിക്ക് വേണ്ടത് പണം
പണം മാത്രം ...!!!

മദ്യവും, മദിരാക്ഷിയും,
കന്ജാവും, തീവ്രവാദവും
മതവും, പാര്‍ട്ടിയും
ഒക്കെ കൊടുത്തു
ഇടതും, വലതും മറ്റുള്ളവരും
പരക്കെ വോട്ടുവാങ്ങുമ്പോള്‍
ഞാനെന്തിനു എന്റെ വോട്ട്
വെറുതെ പാഴാക്കണം ...!!

അവരവരുടെ താത്പര്യത്തിന്
മാത്രമല്ലാതെ ഇവരാരും
ഇന്നുവരെ നിലകൊണ്ടിട്ടില്ലെന്നിരിക്കെ
ഞാനെന്തിനു എന്റെ വോട്ടു
ഇവര്‍ക്ക് വെറുതെ നല്‍കണം ...!!!