ഭൂമി പിളര്‍ന്ന് ...!!!

ഭൂമി പിളര്‍ന്ന് ...!!!

ഈ ലോകം
ഇവിടെയങ്ങ്‌
അവസാനിചെങ്കിലെന്ന്
ഈ ഭൂമി പിളര്‍ന്ന്
താനങ്ങ്
താഴ്ന്നു പോയെന്കിലെന്നു
ചിലരെങ്കിലും
ചിലപ്പോഴെങ്കിലും
ആഗ്രഹിച്ചിരിക്കും ...!

അങ്ങിനെ
സംഭവിച്ചിരുന്നെങ്കില്‍
പിന്നെ
എനിക്കെങ്ങിനെ
ഇതെഴുതാനാകും ....!!!

മണമുള്ള കാറ്റ് ...!!!

മണമുള്ള കാറ്റ് ...!!!

കാറ്റില്‍
നിറയുന്ന മണം
മണം പരത്തി
പറന്നു പോകുന്ന
കാറ്റ് ...!

കാറ്റ് തീരുമ്പോള്‍
മണം തീരുന്നു ...!

മണം തീരുമ്പോള്‍
പക്ഷെ
കാറ്റ് തീരുന്നില്ല ...!

അപ്പോള്‍
മണമുള്ള കാറ്റോ ...!!!

ആകാശം ....!!!

ആകാശം ....!!!

ആകാശം
ഇടിഞ്ഞു വീണാലും
എനിക്കൊന്നും
സംഭവിക്കില്ല
എന്നാണു
വീമ്പു പറച്ചില്‍ ...!

ഇനി
ഇല്ലാത്ത ആകാശം
എങ്ങാനും
ഇടിഞ്ഞു വീണാലോ ...!!!

ഇല്ലാതാകല്‍ ...!!!

ഇല്ലാതാകല്‍ ...!!!

ചില പാത്രങ്ങള്‍
ഒഴിയുമ്പോള്‍
മറ്റു ചിലത്
നിറഞ്ഞു തുളുമ്പുന്നു ...!

ഒഴിഞോഴിഞ്ഞു
ഇനിയുമൊഴിയാന്
ഇടമില്ലാതാകുമ്പോള്‍
പാത്രം
സ്വയം ഇല്ലാതാകുന്നു ...!

തുളുമ്പി
തുളുമ്പി
കവിഞ്ഞൊഴുകി
പുറം
പ്രളയമാകുമ്പോള്‍
മറ്റു ചില
പാത്രങ്ങളും
അവയില്‍ മുങ്ങിപോയി
ഇല്ലാതാകുന്നു ...!!!

തല്ല് ....!!!

തല്ല് ....!!!

വടികൊടുത്ത്
അടി വാങ്ങി
അടി കൊടുത്തു
വടി വാങ്ങി ...!

അങ്ങോട്ട്‌ ഒന്ന് പറഞ്ഞു
ഇങ്ങോട്ട് രണ്ടു പറഞ്ഞു
അവനെ തെറി പറഞ്ഞു
ഇവനെ ചീത്ത പറഞ്ഞു

അവനോടു തല്ലു കൂടി
ഇവനോട് തല്ലു കൂടി
അവന്റെ കുറ്റം പറഞ്ഞു
ഇവന്റെ കുറ്റം പറഞ്ഞു

അവന്‍ ചീത്തയെന്നും
ഇവന്‍ നല്ലതല്ലെന്നും
അവനു അഹങ്കാരമെന്നും
ഇവന് ഗര്‍വെന്നും

ഒടുവില്‍
അവന്റെ തന്തക്കും
ഇവന്റെ തള്ളക്കും
പിന്നെ എല്ലാവരുടെയും
നെഞ്ചത്തും

എന്തിനു വേണ്ടി ....???

വെള്ളിക്കരണ്ടി ...!!!

വെള്ളിക്കരണ്ടി ...!!!

വായില്‍
വെള്ളിക്കരണ്ടിയുമായാണ്
അന്ന് ഞാന്‍
ജനിച്ചു വീണത്‌ ...!

വീണത്‌ പക്ഷെ
ആശുപത്രിക്കിടക്കയിലെ
പഴന്തുണിയില്‍ ആയതുകൊണ്ടാകാം
എന്റെ വായില്‍ നിന്നും
ആ വെള്ളിക്കരണ്ടിയും പോയി ...!

വെള്ളിയല്ലെങ്കിലും
ഇപ്പോഴുള്ള കരണ്ടി
പോകാതെ ഇരിക്കുന്നതും
അന്ന്
ആ പഴന്തുണിയില്‍
വീഴാതെ കിടന്നതിനാലാകാം ...!!!

ചെങ്കൊടി ...!!!

ചെങ്കൊടി ...!!!

എന്‍റെ സിരകളില്‍
കരുതിവെച്ച
മുഴുവന്‍ ചുവപ്പും
ചാലിച്ചാണ്
ഞാനാ കൊടിയുണ്ടാക്കിയത്,
ഒരു ചെങ്കൊടി ...!

അത്രയും
ചുവന്നതാകാന്‍
ഞാനെന്‍റെ രാവുകളെയും
നിദ്രയെയും
എന്‍റെ വയറിന്‍റെ
നൊമ്പരങ്ങളെയും
മനസ്സിന്‍റെ
വേദകളെയും
തീര്‍ത്തും അവഗണിച്ചു ...!

അതെപ്പോഴും
ആകാശത്തില്‍
ഉയര്‍ന്നു പറക്കാന്‍
ഞാനെന്‍റെ
ബന്ധങ്ങളും
ബന്ധനങ്ങളും
കടമകളും
കടപ്പാടുകളും
കണ്ടില്ലെന്നു നടിച്ചു ...!

വിശപ്പ്‌
എല്ലാവരില്‍ നിന്നുമാകലാന്‍
ഒരു നേരമെങ്കിലും
എല്ലാവര്‍ക്കും
തലചായ്ക്കാന്‍
പേരിനെങ്കിലും
എല്ലാവര്‍ക്കും
നാണം മറക്കാന്‍
ഞാനെന്‍റെ ജീവിതവും
ബലിനല്‍കി ...!

എന്നിട്ടോ ...???